Dissensions royalistes en Limousin (1592) 

 

Combattre ensemble pour le roi n'empêche pas chacun d'essayer de se hisser à la meilleure place. En 1592, Henri IV et ses partisans affrontent la Ligue un peu partout en France (huitième guerre de religion, 1585-1598). A Limoges, après plusieurs vicissitudes, la ville semble désormais acquise au roi, mais ceux qui soutiennent sa cause ne sont pas forcément pour autant à l'unisson.

L'auteur de la lettre, Anne de Lévis, duc de Ventadour (c. 1569-1622 ou 1624) vient de succéder en 1591 à son père Gilbert III de Lévis comme gouverneur du Limousin, mais il doit lutter pour s'imposer à ce poste guigné par d'autres. Durant la cinquième guerre de religion (1574-1576), son père a été l'un des chefs protestants du camp des « Malcontents », opposés au roi Henri III autant qu'à la Ligue. Bien que le jeune Anne de Lévis se soit très vite distingué dans sa lutte contre la Ligue et au service d'Henri IV (batailles de Limoges et de Souillac en 1591), dont il est un fervent soutien, il doit combattre sur plusieurs fronts pour sauvegarder ses prérogatives personnelles dans les nombreux fiefs, titres et postes hérités de son père.

 

⸎⸎⸎⸎⸎

 

Sire,

je m'assure que Vostre Magesté aura esté particulierement advertye des affaires consernant son service en ce pais par le sr. de Martin¹, president de Lymoges qui fera que je ne l'ennuyeray d'entendre les mauvais offices et ingratitudes qu'aulcuns sedicieux dud. Limoges usent en mon endroit par les menees et praticques de Turquant² et du sr. de Chambaret³ qu'ilz ont receu puis⁴ quinze jours en garnison sans permission de Vostre Magesté ny de moy, de quoy au mesme temps je donnois advis à Vostre Magesté.

Mais le gentilhomme que j'envoyois devers elle⁵ fust blessé en chemin en ung rencontre⁶ qu'il fist des ennemys, avec perte de toutes ses despeches, ainsy que led. sr. president Martin vous aura peu faire entendre pour avoir couru mesme fortune.

Je n'eusse tant tardé entreprendre mon voyaige de Vivaretz⁷, n'eust esté l'oppinion qu'on avoit de l'acheminement de Monsr. de Nemours⁸ en ces cartiers. Aussy, Sire, que je desirerois qu'il pleust à Vostre Magesté plustost me faire faire raison des calompnies et impostures dud. Turquant et ordonner qu'il comparoisse devant Vostre Magesté pour respondre par sa bouche sur les occasions qui l'ont meu publier aud. Limoges que j'estois d'ung tiers party qui se dressoit en ce royaulme contre vostre service et plusieurs aultres propos qui m'offencent à mon honneur que j'ay chargé ce gentilhomme faire entendre à Vostre Magesté, luy en ayant oultre ce baillé quelques memoyres, suppliant aussi très humblement Vostre Magesté vouloir mander aulx officiers et consulz⁹ dud. Limoges vostre vollonté sur la garnison qu'ilz ont prinse que je croys, Sire, que vous n'aurés agreable. Et aussy qu'ilz ayent à m'obeyr et recongnoistre pour vostre lieutenant general en ceste province comme ilz ont fait par le passé. Et où ilz ne satisferoient par le promptement à ce qui leur sera mandé par Vostre Magesté, il vous plaira, Sire, me permectre les renger à ce qui est de leur debvoir.

Et affin que les affaires de lad. ville soient remis¹⁰ au plus tost au premier estat, il plaira à Vostre Magesté rappeller avec led. Turquant le sr. de Chambaret qui s'est laissé couler aulx affections d'icelluy Turquant par l'esperance de quelques promesses, l'effect desquelles leur seroit trop mal aisé.

Cependant, l'on ne pert temps aud. Viveretz, y ayant Madame de Vantadour ma mere¹¹ en attandant ma venue depuis ung moys faict assemblee de voz serviteurs mes amys au nombre de troys ou quatre mil hommes avec quatre canons qui vous ont rendu ce service que de remectre en l'obeyssance de Vostre Magesté les fortz de Seaultres¹² et de Barry¹³ et aussi la ville et chasteau de Rochemaure¹⁴, plasse très forte assize sur le Rosne que feu Monsieur de Vantadour mon pere avoit baillé en garde à ung gentilhomme du pais qui depuis sa mort avoit prins le party de la Ligue.

 

Suppliant sur ce le Createur vouloir donner à Vostre Magesté,

 

Sire,

 

très longue et très heureuse vye.

 

De Meymac¹⁵, ce iii^e avril 1592.

 

Vostre très humble et très obeissant subject et serviteur,

[signature] Vantadour

 

⸎⸎⸎⸎⸎

 

Notes