Archives Nationales - J-413, n° 20

 

http://www2.culture.gouv.fr/public/mistral/caran_fr?ACTION=RETROUVER&FIELD_9=NOMDOS&VALUE_9=templiers&NUMBER=2&GRP=0&REQ=%28%28templiers%29%20%3aNOMDOS%20%29&USRNAME=nobody&USRPWD=4%24%2534P&SPEC=9&SYN=1&IMLY=&MAX1=1&MAX2=1&MAX3=100&DOM=All

 

 

1. Examination faite le jour de samedi en la feste as sains Apostres Symon et Jude [28 octobre] l'an de grace mil CCC

2. et sept [1307¹] pour partie et le diemanche prouchain ensivant² ensement³ pour partie des frères de la maison deu Temple de la

3. baillie⁴ de Caen sur les articles de leur erreurs scelees deu contrescel nostre seignor le Roi, les quiex⁵ articles sont

4. cex c'est assavoir : cil qui sont premierement receu requierent le pain et l'eaue de l'ordre et puis le Commandeour ou

5. le Maistre qui le receoit le meine secreement derriere l'autel ou en revestiare ou aillois en secret et li monstre la

6. Crois et la figure de nostre seignor Ihesu Crist et li fait renier le prophete c'est assavoir nostre seignor Ihesu Crist de qui cele

7. figure est par trois fois et par trois fois crachier sur la croix puis le fait despoillier de sa robe et cil qui le

8. receoit le baise en bout de l'eschine, souz le braeul puis en nombril et puis en la bouche et li dit que si aucun

9. frere veult gesir charnelment à lui, qu'il le souffre quer il le doit et est tenu à souffrir selonc le status de

10. l'ordre, et que pluseurs dols pour cen par maniere de sodomie que font l'un oveques l'autre charnelment. Puis ceint-

11. l'on chascun quant il est receuz d'une cordele sur leur chemise et la doit le freres touz jours porter sur soi tant

12. comme il vivra et entent que ces cordeles ont esté couchiés et mises autour d'un ydole qui est en forme

13. d'une teste d'omme d'une grant-barbe, laquele teste il baisent et aourent en leur chapitres provincialx.

14. Mes ce ne sont pas tint li frere fors li grant-maistre et li ancien. Item les prestres de l'ordre ne sacrent pas

15. sur l'autel le corps nostre seignor Ihesu Crist. Laquele examination fut faite par nous, Freres Robert, sous-prior,

16. Michel Chouquet, lectour, Roger d'Argences, et Johan de Margny deu couvent des Freres Prechoeurs⁶ de Caen,

17. selonc la forme de la commission sur ceu faire de religieus homme frere Guillaume de Paris⁷, chapelain nostre pere le

18. pappe, Confesseur nostre sire le Roi de France et Inquisiteur deputé d'iceli nostre pere le pape en Roiaume de

19. France de la mauvaisetie de heresies et par nous Hugues de Chastel et Enguerran de Villers chevalier [de] nostre Sire le Roi

20. deputez d'icelui seignor. Quant a ceu sicomme il apparessoit par ses lettres pressenz a ceste examination les

21. tesmoingz des quiex les nons s'ensuivent. C'est assavoir Robert de Breteville⁸, chevalier, Maistre Robert de Cau-

22. debeq⁹, clerq nostre Sire le Roi, Monseigneur Johan, chapelain deu dit¹⁰, Monseigneur Hugues, Johan deu Chastel, clerq, Raoul Gloi,

23. Thomas du Theil¹¹, clerq de la visconté de Caen, Henri Campion, Richar Le Tambeour, sergent nostre Sire le Roi

24. et plusieurs autres. Et pour ceu que nous ne povions traire verité des diz Templiers sur les erreurs

25. contenus es diz articles, ja soit ceu qu'il avoient juré par deux fois et este examinez le plus diligemment

26. que nous povions, nous, sous-priour et lettour, Roger et Johan desus diz en la presence de nous les diz Hugues et

27. Enguerran pour ceu que ceus Templiers avoient tout mis en nie, leur monstrasmes singulierement et a

28. chascun par soi plusieurs raisons et plusieurs voies par quoi eus povoient avoir sauvement deu corps et

29. de l'ame si eux vouloient verité recognoistre et soi repentir des erreurs et retorner a la foi et l'unité de Sainte

30. Eglise et comme Sainte Eglise recevoit ceus qui avoient erré et vouloient retorner a la foi et leur promeis-

31. mez à les recevoir à la misericorde de sante Eglise se einsi le vouloient faire. Et nous, Hugues et Enguerran dessus

32. diz ensement leur promeismez aquitier toute peine temporel dont nostre Sire le Roi les porroit punir

33. de telx erreurs. Et meismement¹², pour plus mouvoir ses quant a croire verité d'els¹³ leur deismez¹⁴ et mon-

34. strasmez comme il estoit chose notoire et manifeste que la graignor¹⁵ partie des Templiers deu Roiaume de

35. France avoient cogneu et confessé les erreurs et que les oviations¹⁶ et les deffenses proposees de leur partie

36. en contraire n'estoit chose qui leur peust valoir et que se eus se parjuroient¹⁷ terche fois bien si gardassent que

37. il leur convendroit souffrir tel peine comme le cas requiert. Et ceu fait nous alasmez avant à l'examination

38. sur les articles desus diz et oismez¹⁸ les diz Templiers singulierement, l'un apres l'autre et deposerent sur les

39. diz articles en la maniere qu'il appert par depositions en dedenz escriptes. Et furent les diz Templiers exa-

40. minez en la sal[l]e du petit chastel de Caen le samedi et le diemanche desus diz en la presence des diz Tesmoingz.

41. Et a confirmation de verité, nous, sous-priour, lectour, Freres Roger et Johan devant nommez avons mis nos s[c]eaux a cest

42. proces ovecques les s[c]eaux des diz Hugues et Enguerran presens as choses en dedenz escriptes.

43. §¹⁹ Frere Gautier de Bullens, chevalier né de l'evesché d'Amiens, compaignon de la maison deu Temple de Voymer²⁰ re-

44. ceu et vestu a Paris par Frere Hugues de Peraut²¹, chevalier, lequel Frere Gautier a esté en l'ordre l'espace de xiii anz

45. ou environ si comme il disoit que avoit juré par deux fois et esté examiné diligemment sur les articles dessus diz

46. les quiex il avoit touz mis en nie. Requis, demandé et examiné derrechief sur les diz articles cognut

47. et confessa touz les erreurs excepté l'ydole fait afforme d'une teste d'omme, lequel il disoit qu'il n'avoit oncques²²

48. veu ne aouré²³ ne riens n'en savoit. Et du sacrement de l'autel disoit qu'il creoit que les Chapelains deu Tem-

49. ple sacroient le corps [de] nostre seignor sur l'autel comme bons crestiens ne ne²⁴ savoit pas le contraire et est bien veut

50. que il avoit autre fois confessé que il avoit esté chaint²⁵ quant il fut vestu d'une cordele sur sa chemise en signe

51. de chastté. Et disoit q'il ne savoit nule mauvestié ne que elle eust esté touché a l'ydole. Et des erreurs qu'il

52. confessoit se repentoit sicomme il disoit et retornoit a la foi et à l'unité de Sainte Eglise et requerroit à nous, sous-prior,

53. Lettour, Roger et Johan desus diz la misericorde de l'Iglise, et a nous les diz Hugues et Enguerran remission de peine

54. temporel. Les quiex choses li furent de nous otriees²⁶.

     

55. § Frere Matieu Renaut, commandoeur de la maison deu Temple de Breteville-

56. la-Rabel²⁷ recheu et vestu par Frere Philippe lors commandeour de Reneville²⁸ a present

57. commandeour de Sainte-Evaubourg²⁹. Et a esté en l'ordre l'espace de x ans ou environ sicomme il disoit.

     

58. § Frere Etienne du Noef-Castel, commandeour de la maison deu Temple de Court-

59. Val³⁰, receu et vestu a Saint-Estienne-de-Reneville³¹ par Frere Girart de Villers lors Mestre

60. de France³². Et a esté en l'ordre dis anz sicomme il disoit.

     

61. § Frere Gieffroi Hervieu, compaignon de la maison de Breteville, receu et vestu à Breteville

62. par le dit Frere Philippe et a esté en l'ordre iii anz environs a la mi-Caresme prochaine sicomme il disoit.

     

63. § Frere Johan Challet, compaignon de la maison de Breteville, receu et vestu a Barbonne³³

64. par Frere Robert, commandeour de Barbonne. Et a esté en l'ordre xviii anz sicomme il disoit.

     

65. § Frere Guillaume le Raure, compaignon de Baugie³⁴, receu et vestu à Fontenoi jouste Sablies³⁵

66. par Frere Guillaume de Trees, commandeur de Fontenoi. Et a esté en l'ordre xxiii anz ou xxv

67. ou environ sicomme il disoit.

     

68. § Frere Richard Bellenguel, compaignon de la maison de Court-Val, vestu et receu par Frere

69. Aimere³⁶, lors commandeour de Reneville. Et a esté en l'ordre xvi anz sicomme il disoit.

     

70. § Frere Guillain³⁷ Tane, compaignon de Court-Val, vestu et receu par le dit Frere Philippe a Breteville. Et a esté en l'ordre iii anz sicomme il disoit.

     

71. § Frere Henri de Rothours, compaignon de Voymer, receu et vestu à Reneville par le

72. dit Frere Philippe. Et a esté en l'ordre ix anz ou environ sicomme il disoit.

     

73. § Frere Aubin Lenglois³⁸, commandeour de Baugie, receu et vestu par le dit Frere

74. Aimere et a esté en l'ordre xxiiii anz ou environ sicomme il disoit.

     

75. § Frere Christofle de Loviers, compaignon de Voymer, receu et vestu à Reneville par le

76. dit Frere Aimere et a esté en l'ordre xxv anz ou environ sicomme il disoit.

     

77. § Frere Raoul de Perrousel, compaignon à Baugie, receu et vestu a Dole par Frere

78. Richard de Bontencourt³⁹, lors commandeour de Bourgoigne. Et a esté en l'ordre

79. xxii anz sicomme il disoit.

80. Les quiex choses leur furent otrees.

81. § Frere Guy Pesnee, demorant a la maison du Temple de Louvigny⁴⁰ tout soul⁴¹ receu et vestu par Frere Richard

82. de Villers lors commandeour de France. Et a esté en l'ordre environ vi anz sicomme il disoit. Lequel avoit

83. esté juré par deux fois et esté examiné diligemment sur les articles desus diz (les quiex articles), il

84. avoit nié, mis en gehine⁴² le samedi desus dit, en laquelle gehine il ne veut riens confesser. En lende-

85. main requis, demandé et examiné sur les diz articles, confessa les erreurs en la maniere qu'il avoi-

86. ent esté confessé des autres dessus diz. Quant a sentence et a vrai entendement, requerant a nous, sous-pri-

87. our, lectour, Rogier et Johan, desus dit, miséricorde, et a nous les diz Hugues et Enguerran, remission de peine

88. temporel, laquelle chose lui fut otree.

[En marge à droite à partir de la ligne 55 et jusqu'à la ligne 79 sont les lignes suivantes :]

1. Les quiex avoient

2. juré par deux fois

3. et esté examinez dili-

4. gemment sur les arti-

5. cles desus diz singulie-

6. rement les quiex articles

7. eus avoit me a plein

8. requis, demandez et exa-

9. minez chascun par soi

10. derrechef sur les diz

11. articles, cognurent et de-

12. fosserent les erreurs

13. contenus es diz articles

14. en la forme et en la ma-

15. niere que le dit Frere

16. Gautier quant a vrai enten-

17. dement et a sentence et

18. des erreurs qu'il confessoi-

19. ent se repentoient sicomme il

20. disoient et retornoient a

21. la foi et a l'unitté de Sainte Egli-

22. se, requeranz a nous, souspriour

23. lettour Rogier et Johan desus

24. diz la misericorde de Sainte

25. Eglise et a nous les diz Hugues

26. et Enguerran de peine temporel.

***

Notes

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Indexation des noms de lieu (par ordre de citation dans le texte)

• Caen
• Voismer (commune de Fontaine-le-Pin, Calvados)
• Bretteville-la-Rabet (Calvados)
• Saint-Etienne-de-Renneville (commune de Sainte-Colombe-la Commanderie, Eure)
• Sainte-Vaubourg (commune de Val-de-la-Haye, Seine-Maritime)
• Courval (commune de Vassy, Calvados)
• Barbonne (commune de Barbonne-Fayel, Marne)
• Baugy (commune de Planquery, Calvados)
• Fontenay-près-Châblis (Yonne)
• Dole (Jura)
• Louvigny (commune Ferrières-la-Verrerie)