Un Florentin reçoit du roi de France François I^er des lettres de chevalerie et un ornement pour son blason

Pandolfo della Stufa (1500-1568) est un noble florentin qui sert François I^er dans ses guerres d'Italie et vient à la Cour de France dans l'entourage de la dauphine Catherine de Médicis, épouse du fils de François I^er, futur Henri II.

Pour le récompenser de ses services, le roi de France par le document ci-dessous où il vante ses mérites, lui accorde l'insigne honneur d'ajouter les armes de France en chef de son blason de famille, c'est-à-dire de mettre trois fleurs de lys d'or sur fond azur dans la partie supérieure du blason.

La faveur du roi ne dure cependant pas longtemps. Un an plus tard (1541), Stuffa est accusé d'espionnage et de trahison au profit de Charles Quint, ennemi irréductible du roi de France. Il aurait en effet communiqué à Cosme I^er de Médicis, partisan de l'empereur, les plans d'attaque de François I^er après la trêve de 1540.

Emprisonné plusieurs mois sans procès, Stuffa est finalement libéré grâce à l'intervention en sa faveur de Catherine de Médicis et il peut retourner à Florence où il prend des fonctions dans le gouvernement de la cité. Il ne semble pas y avoir trace que les armes de France soient longtemps restées en faveur dans le blason familial...

Le document est une copie du temps, retranscrite dans un recueil de documents-types à l'usage de l'administration royale. D'où l'abréviation de certaines formules, comme le « etc. » après le nom du roi de France au lieu de mettre tous les titres habituels.

⸎⸎⸎⸎⸎

Letres de chevalerie et don d'un chef d'azur à trois fleurs de lys pour adjouster aux armes anciennes de la maison du sieur Pandolphe Stuffa

Françoys, etc., à tous presens et advenir, salut. Comme il soyt chose bien licite, honneste et convenable que les personnes decorees et aornees¹ de vertuz soyent en plus hault tiltre et degré d'honneur et de nom que les autres non vertueux, affin de donner couraige et desir aux aultres de parvenir par vertu à tel ou plus grant bien et honneur, sçavoyr faisons que nous, deuement et par experience acertenez des notables, louables et vertueuses oeuvres, actes et faictz de nostre tres cher et bien amé Pandolphe Stuffa, echansson² de nostre tres chere et tres amee fille la daulphine³, et de ses sens, noblesse, vaillance et experience au faict des armes ; considerans aussy les bons et agreables services qu'il a faictz et faict continuellement à nostred. fille en grand soing et dilligence et pareillement à nous ; voullans par ce led. Pandolphe Stuffa extoller⁴ et lever en tiltre d'honneur et degré comme sesd. vertuz, œuvres, et services le meritant ; à icelluy avons baillé l'ordre de chevallerye et donné de nostre main l'accolle⁵ en la presence de plusieurs princes et seigneurs de nostre sang et autres grans et notables personnaiges estant lez⁶ nous, pour par luy joyr et user doresnavant de tous droictz de chevallerye, honneurs, auctoritez, previlleiges, prerogatives, preheminences, tant en faict de guerre, armes et assemblee, jugement et ailleurs tout ainsy et par la forme et maniere que font et ont accoustumé faire les autres chevalliers. Et oultre ce, luy avons donné et octroyé, donnons et octroy[o]ns par ces presentes de nostre grace, liberalité, plaine puissance et auctorité royal, ung chef d'azur à troys fleurs de lys d'or pour mectre et adjouster es armes anciennes de sa maison ainsy qu'elles sont cy dedans peinctes et figurees⁷.

Et voullons et nous plaist de nostre plus ample grace qu'il, et ses successeurs, puissent lesd. armes ainsy faictes que dessus licitement porter et lever par touttes terres, lieux et seigneuryes que bon luy semblera, soyt en temps de paix ou de guerre, et d'icelluy joyr et user perpetuellement, et tout ainsy et par la forme et maniere que font et ont accoustumé faire les autres nobles portans semblables enseignes et armes. Et affin que nostred. present don et octroy soyt et demeure à jamais vallable à la decoration du nom et maison dud. Pandolphe Stuffa et cesd. successeurs et qu'il en soyt perpetuelle memoyre, nous avons signé ces presentes de nostre main et à icelles faict mectre nostre seel.

Donné à Sainct-Pris⁸ ou moys d'octobre, l'an mil cinq cens quarante, et de nostre regne le vingt sixesme⁹.

⸎⸎⸎⸎⸎

Notes