Le magistrat, c'est moi ! Dispute sur la nomination du « conseil municipal » de Cambrai en 1582

 

En 1566 s'ouvre la longue révolte des provinces qui composent aujourd'hui les Pays-Bas, la Belgique et une partie du nord de la France contre leur souverain Philippe II d'Espagne

 La ville de Cambrai n'est pas censée être concernée, relevant, elle, du Saint-Empire romain germanique. Un aventurier, Baudouin de Gavre, baron d'Inchy, prend cependant prétexte des troubles dans les possessions espagnoles voisines pour s'emparer par surprise en 1576 de la citadelle et du gouverneur de Cambrai et prendre le contrôle de la ville avec des troupes en partie huguenotes. L'archévêque de Cambrai¹ s'enfuit à Mons avec une partie du clergé, tandis que les chanoines et les ecclésiastiques restés dans la ville subissent diverses vexations.

 En 1581 les Etats généraux des Pays-Bas poussent plus loin la scission en prononçant la déchéance de la souveraineté du roi d'Espagne sur leurs provinces et en reconnaissant à sa place pour maître le frère du roi de France Henri III, François, duc d'Anjou (1555-1584). Le baron d'Inchy, toujours en place à Cambrai, fait de même en offrant la ville au prince français, qui a le mérite cette même année 1581 de venir libérer les Cambrésiens du siège qu'entreprenaient les Espagnols pour aider l'archevêque à reprendre sa ville. C'est là l'un des rares titres de gloire de François d'Anjou.

 C'est dans ce contexte qu'est rédigé notre document, qui est adressé au duc. Bien que le baron d'Inchy soit tué au cours de l'année 1582, ses partisans restent à la manœuvre à Cambrai. Ils essayent par un texte assez malhabile et mal bâti dont on a ici une copie de l'époque, de contester les droits revendiqués par l'archevêque et ses chanoines, toujours en exil, de nommer les membres ce que l'on appellerait aujourd'hui le « conseil municipal » de la ville. C'est ce que recouvre en effet alors à Cambrai (et dans d'autres villes voisines) le terme de « magistrat » : non pas une personne, mais un ensemble de bourgeois en charge de la police, de la justice et des finances de la ville (un prévôt, quatorze échevins, deux collecteurs, etc.)².

 Bien qu'il semble que certains des signataires soient finalement de ceux qui livrent la ville aux Espagnols pour en finir avec le siège de 1595³, la querelle contre l'archevêque-duc ne cessa pas. Dans un premier temps en effet, le roi d'Espagne Philippe II rétablit celui-ci dans ses droits, dont celui de nommer le magistrat. Mais les membres du magistrat qui avaient été pour la plupart nommés par les aventuriers d'Inchy et Balagny avaient trop peur d'être démis par l'archévêque longtemps exilé, et ils préférèrent offrir ce pouvoir directement au roi d'Espagne.

 Philippe II accepta l'offre. Ce précédent permit ainsi à Louis XIV, lorsqu'il s'empara de Cambrai en 1677, de repousser les demandes de l'archévêque⁴ et de proclamer sa souveraineté pleine et entière sur la ville. En quelque sorte, le magistrat, … c'était lui.

 

⸎⸎⸎⸎⸎

 

Estatz de Cambresis sur le fait du magistrat du xxvi^e de décembre 1582

 

Mémoire des Estats de Cambray pour l'institution du magistrat, 26 décembre 1582

 

Sur les causes representees à Son Altesse⁵ par Messieurs du clergé, prevost et chappitre de l'eglise metropolitaine de ceste citté de Cambray, principallement pour le faict du droict de l'institution ou destitution du magistrat et eschevyns qu'ilz disent et pretendent leur apartenir ; et pour satisfaire à ce que Sad. Altesse desire promptement entendre ce qui en sera sur ce arresté, luy sont representez les poinctz qui s'ensuivent.

 

Premierement⁶

 

Supplient le magistrat et eschevyns dud. Cambray à Sad. Altesse ne trouver mauvais si sur ung faict si important pour la manutention⁷ de sa grandeur ilz n'ont pris resolution si tost qu'ilz eussent bien voullu, ce qu'ilz ont faict à l'exemple desd. prevost et chappitre qui ont pris du temps tout à loisir et à leur desceu⁸ pour eulx bien instruire et dresser leurs memoires.

 

Et pour chose de tel poix et consequence que pour y respondre et s'en arrester il leur a convenu adviser d'en prandre l'advis et resolution generallement de tous les membres et Estatz de lad. citté exclud lesd. du clergé parties contraires à Son Altesse et pour ce faict.

 

Suivant quoy et pour ne rien deliberer et resouldre sur ce faict tant d'importance n'estoit en assemblee commune et generalle, auroient faict convocquer les Estaz generaulx de ceste vostre citté, exclud lesd. du clergé pour les causes que dessus, ausquelz en audience publicque et à huis ouvertz en la maison de ville ilz ont faict faire lecture des lestres closes de Vostre Altesse en leur⁹ proposant le faict des articles à elle¹⁰ representez par lesd. du clergé, prevost et chappitre, principallement le poinct concernant le faict de l'institution ou destitution dud. magistrat et eschevyns, qu'ilz se voulloient atribuer par previllege special et autrement pour les causes declairees esd. articles.

 

Et sur quoy pour en donner resolution arrestee en icelle¹¹ Vostre Altesse avec l'interpretation du traité, l'on demandoit avoir leur advis concurrante avec leur volunté, accord et deliberation libre et ouverte.

 

Sur lequel propose iceulx des Estatz, tant en particullier comme en general, unanimement et par voix commune, libre et ouverte, ont resolument tous dict et declairé que toute l'institution dud. magistrat comme chose à luy acquise et de plus donnee de volunté publicque, qui est la plus belle interpretation qu'on pourroit donner au traité d'entre Sad. Altesse, nous, et la generallité du peuple, pour en user comme si c'estoit sa legitime succession, à quoy il ne doibt nullement cedder, et que en telle administration ilz ne veullent recongnoistre autre que luy. Et n'entendons que lesd. du clergé y aient aucun droict, comme ils n'y ont. Et surquoy en l'assemblee et convocation desd. Estatz l'on s'est du tout resolu et arresté, sachans que le contraire pourroit quant à present et pour l'advenir amener apres soy la ruyne de cest Estat.

 

Et venant à respondre au faict des cappitullations ou traité qui se faict pour le regard de ceste protection qu'ilz appellent le traité des Seigneurs d'Incy¹² et de Villers¹³, avec Son Altesse, duquel ilz disent n'avoir eu aucune congnoissance.

 

Combien que par la declaration desd. Estatz sur le faict de l'institution et destitution dud. magistrat, donnation et cession de tout administration temporelle il ne soit plus question de faire debat, revocquer en doubte ny donner interpretation aud. traité, duquel lesd. des Estatz se tiennent bien contentz par nouvelle ratiffication que ce jourd'huy ilz ont faicte, voire pour l'ampliffier à l'accroissement de la grandeur de Son Altesse, pour n'en estre veuz ingratz d'un si grand benefice qu'ilz ont receu par se moyens.

 

Si¹⁴ disent en passant qu'il est tout manifeste comme aussi ilz ne le peuvent desnier¹⁵, que le tout ne leur ayt esté communicqué si avant et à tant de loisir que par deliberation particulliere par eulx prise avoir avoir [sic] bien remarqué et entendu le subject desd. cappitullations, ilz ont le tout aprouvé avec intervention de serment. Et de quoy ilz ne peuvent receller, plustost doivent-ilz pour leur devoir et pour ung mesme benefice qu'ilz ont receu que les autres membres de ceste vostre citté, cedder à toutes difficultez qui pourroient occasionner une division nourrisse¹⁶ de confusion au prejudice de la commune concorde, sans s'atacher ny à la grandeur de Son Altesse, ny à la memoire du feu baron d'Incy¹⁷, à quoy ilz sont obligez en pareil que nous, et duquel la constance, prudence, et artiffice se doibt louer en affaires et au danger si important pour notre propre salut qu'il a soigneusement et par extreme vigillence sollicité de Sad. Altesse et duquel ilz offencent la grandeur et bonté en chose où on luy doibt une louange perpetuelle, n'estant que trop ouvertement ilz voulsissent se declairer ingratz et se repentir de ce qui estoit si heureusement succeddé par son moyen.

 

Et quant à plusieurs calompnies qui sont par lesd. prevost et chappitre notoirement proposees au mespris de tout le corps du magistrat et eschevyns de vostred. citté :

 

Disent sans faire rescription¹⁸ desd. calompnies qu'ilz s'en trouvent plus griefvement lesez¹⁹ qu'elles ont esté representees à ung prince de telle grandeur, filz et frere unicque du roi et à son Conseil, en la presence duquel l'on ne doibt representer que verité, et encores plus en ce que tout clairement ils ne le tiennent pour magistrat legitime et composé de gens de bien. En quoy il y va de l'honneur de Son Altesse et consequemment du feu Sr. d'Incy et du Sr. de Ballagny²⁰, aians comme ses lieutenans et en vertu de la commission, institué led. magistrat soubz l'auctorité de Vostred. Altesse, ne s'estant faict ny passé chose entre eulx dont ilz ne puissent respondre à leur descharge et innocence devant Dieu et icelle Son Altesse. Et surquoy ilz ne refusent attendre son examen et jugement dont ilz le supplient si avant qu'ilz en puissent estre reparez.

 

Et pour respondre sur le faict des biens des absens dont ilz parlent, oultre qu'ilz sont en ce cas parties incompettantes²¹, ilz ne s'en doivent adresser ny prandre à partie lesd. du magistrat ains²² bien à Sad. Altesse, à laquelle pour le tout en apartient le saisissement, retention, disposition et distribution. Et de quoy lesd. prevost et chappitre ne se doibvent entremectre, eulx qui sont personnes ecclesiasticques²³. Suppliant pour solution au reste de leurs articles ce qui deppend de l'auctorité donnee, acquise et atribuee à Sad. Altesse par la voix publicque et commune desd. Estatz et generallement de tout le peuple et bourgeoisie d'icelle vostre citté qui en ce faict, jointement avec le corps dud. magistrat et eschevyns, implorent l'ayde et faveur de Vostre Grandeur, à laquelle aussi se representent les noms et soubznoms des principaulx tant de la noblesse que de la bourgeoisie aians esté presens avecq une infinité d'autres à la resolution de la presente responce, qui sont telz que s'ensuit :

 

Premierement

 

 Le corps du magistrat :

 Gervais de Glimes, escuyer, bailly de Cambresis²⁴

 Robert de Haumecourt, escuyer, Sr. de Layens²⁵

 Robert Bloquel, escuyer, Sr. de Comby²⁶

Mathieu Cretton, escuyer, Sr .de Viefville²⁷

 Pierre Gamyn²⁸

 Martin de Boulleux²⁹

 Robert Laoust³⁰             quatre hommes³¹

 

Nicolas Buzelin³²

Philippes Resteau³³

Jehan Rozet

M^e Fiacre Segard³⁴

Valentin Hennicq

Philippes Quarré

Jehan Comarc³⁵

 

Nicolas Valter

Albert Ballicq³⁶

Michel de Frain

Jehan Durant

 Nicolas Canone³⁷

 Andrien Doby³⁸

 Crepin Castelain³⁹

 

⸎⸎⸎⸎⸎

 

Notes